أحمد حلمي يهنئ حسن حسني بمناسبة تكريمه : مبروك يا ابويا

هنأ النجم أحمد حلمي الفنان القدير حسن حسني 

بمناسبة تكريمه من مهرجان شرم الشيخ السينمائي في دورته الثانية حيث كتب عبر حسابه الشخصي على موقع أنستجرام :

مبررررروك حسن حسني.. حسن حسني في ناس
بتقوله يا استاذ حسن وناس تقوله يا عم حسن وناس تقوله يافنان وناس تقوله يا خال وناس تقوله يا بركه وناس تقوله يا حسن وناس تقوله يامتمكن وناس تقوله يا كبير ..وناس تقوله معلم حسني مشوار كبير من العطاء ما بين كوميديا وتراجيديا .. ساعدنا كلنا ووقف جنبا. . حسن حسني هو بهارات اي عمل فني يشترك فيه. حسن حسني هو الايقاع في السينفونيه الفنيه .. هو الممثل اللي تعشق التمثيل معاه لانه بيشع طاقه وحيويه .. حسن حسني هو السهل الصعب الممتنع.. مبروك يا أبويا تكريمك في مهرجان شرم الشيخ السينمائي.. صحيح نسيت اقولكوا ان في ناس بتقوله يا .أبويا. وانا أولهم .. مبروك يا أبويا. . مبروك