أخبار عاجله

حازم القاضى و زملائه يقدمون عرض ترويكا يوم الاثنين على خشبه معهد الفنون



كتب : أشرف توفيق
تحت أشراف د سميره محسن يقدم طلاب الفرقه الثالثه بالمعهد العالى للفنون المسرحيه يوم الأثنين القادم عرض ترويكا من بطوله الطلاب : حازم القاضى ، نهال كمال ، لمياء الحناوى ، نور نواف غانم ، منه الفيومى ، شيريهان شاذلى ، مصطفى غريب ، علاء هلال ، أحمد عزت ، محمد الجمال ، بوسى الهوارى ، وليد العطار ، محمد يوسف .
وقد قال الفنان حازم القاضى فى تصريحات خاصه لموقع ستارز اونلاين : العرض مأخوذ أو هو تمصير لمسرحيه مهاجر بريسبان للكاتب جورج شحاده و أجسد من خلال العرض شخصيه شاب فى القريه اسمه عيد .. بيشتغل بياع أرزقى .. بياع خرده و حديد .. متجوز و عنده ثلاث أولاد .. لما بيسمع أن مراته متهمه فى انها كانت تعرف الشخص الغريب اللى جه القريه ومات فيها ومحدش يعرف عنه حاجه .. بيثور للشرف و التار .. لكن لما بيعرف ان الغريب كان غنى و معاه فلوس كتير .. فى آخر مشهد بيحاول يقنع مراته أنها تتخلى عن شرفها وتقول انها كانت تعرف الغريب وان واحد من عيالهم هو ابن الغريب .. ولما بترفض تتنازل عن شرفها وسمعتها بيقتلها .
ويضيف حازم القاضى أستغرقنا فى البروفات مده التيرم كلها شهرين و نصف و بذلنا جهدآ كبيرآ و اتمنى ان ينال العرض أعجاب الجمهور واتوجه بالشكر للقديره د سميره محسن لما بذلته معنا من مجهود للتحضير للعرض و اتمنى ان نكون عند حسن ظنها وظن اساتذتنا جميعآ ويخرج العرض فى أبهى صوره .

ليست هناك تعليقات