أخبار عاجله

فنانه شابه تتمرد على التقاليد و تركب عجله فى شوارع القاهره ..تعرف على تجربتها




كتب : اشرف توفيق
بعد أرتفاع أسعار الوقود قررت الفنانه الشابه بسمه ماهر التى عرفها الجمهور من خلال عدد من الأعمال الفنيه لعل أبرزها : برنامج المقالب الكوميدى عايز أتجوز فى دور العروسه ومسلسلات : أهو دا اللى صار ، ولاد تسعه ، سرايا عابدين
قررت الأستغناء عن أستخدام السياره و ركوب العجله بدلآ منها و بالفعل قامت بشراء عجله و ركبتها فى شوارع القاهره وقد سجلت بنفسها تجربتها فى تدوينتين عبر حسابها الرسمى على موقع فيس بوك حيث كتبت :
قررت اني  هركب العجله كوسيلة مواصلات
مع اول مشوار من المحل للبيت محدش ضايقني وقعت بس مره
احساس غريب و مختلف  احساس بالانطلاق
يا ريت لو يعملوا طريق في الشارع للعجله  أظن هنبقي في حته تانيه خالص
#أدعم_ركوب_الدراجه_في_مصر
وفى اليوم التالى كتبت :
اليوم التاني علي التوالي بالعجله
 من فيصل للاوبرا ومحدش بيضايقني
الناس  متفهمه و مستغربه
العربيات بتوسع  وتفضي اليمين
أطفال بيعملوا باي باي مبسوطين
وانا مبسوطه اكتر منهم
 لاني بشوف شوارع مصر بشكل جديد
الفكره بس في نشر الثقافة والتعود
#دعم_ركوب_الدراجه_في_مصر
وفى اليوم الثالث كتبت


اليوم الثالث في الطريق من فيصل للاوبرا
كومنتات جميله good girl ,عاش,احسن يا كابتن,وواحد وقف سقفلي😁
مفيش غير واحد وقف جانبي بالعربيه و قالي تدخلي سباق قولتله لو سمحت سيبني اعدي بصرامه قالي انا أسف و مشي
احترم نفسك الناس تحترمك ركز في طريقك و بس و فكك من الطاقه السلبيه
الموقف التاني وانا ف الجيزه السير بتاع البدال فك مني وانا معرفش اي حاجه في ميكانيكا العجل وكنت ماشيه علي الكورنيش و الشارع مضلم نوعا ما معرفتش اعمل ايه لاقيت ولدين بموتوسيكل فكرت لثانيه اروح اطلب مساعده ولا هتفهم ازاي و أفتكرت اني لما احترم نفسي الناس هتحترمني
وقفت وانا مصدره الجراءة يا شباب عايزه بس مساعده السير وقع
الولد بمنتهي الهدوء صلحه و مشي من غير ولا كلمه قولتلهم شكرا يا شباب و مشيت 😊
احترم نفسك الناس تحترمك
اتصرفي كولد وانتي في الشارع و قوي قلبك
تحيه لشباب الجيزه
انزلوا و متخافوش انتو اللي بأيدكوا هتغيروا ثقافة الشعب😊
#دعم_ركوب_الدراجه_في_مصر




ليست هناك تعليقات